"Koronavirus pandemiyası ilə əlaqəli mübarizə tədbirləri çərçivəsində ölkəmiz digər ölkələrdən fərqli olaraq vaxtında çevik və sərt addımlar atıb. Karantin tədbirlərinin həyata keçirilməsi bizim mübarizəmizə öz töhvəsini verməkdədir və hər bir vətəndaş tutduğu mövqeyindən, vəzifəsindən, səlahiyyətindən asılı olmayaraq karantin qaydalarına əməl etməlidir.
Karantin tədbirlərinə əməl etməzsək əgər, bu prosesə öz töhvəmizi verməsək və örnək addımlar atmasaq cəmiyyət bunu yanlış anlaya bilər. Karantin tədbirlərinin həyata keçirilməsi üçün dövlətin atdığı addımlara kölgə sala bilərik".
Bu barədə Xeberle.com-a açıqlamasında millət vəkili Müşfiq Məmmədli deyib. M.Məmmədli bildirib ki, qanunlara riayət etmək hər bir vətəndaşın borcudur:
"Karantin qaydalarının pozulması və onun pozulmasına müvafiq şəkildə hüquqi məsuliyyəti kimliyindən asılı olmayaraq hər bir şəxs tanımalıdır və riayət etməlidir. Bu istiqamətdə dövlətin atdığı bütün cəza tədbirləri qanuna müvafiq şəkildə cəzalandırma hamı üçün birmənalıdır və keçərlidir".
Xəbərdən istifadə edərkən istinad etmək vacibdir.
