Mineral, qazlı su təklif edən möcüzəli köşk 1932-ci ildə Leninqradda kəşf edilmişdi. O vaxtdan da sovetlərdə geniş yayılmağa başlayıb. Yayın dözülməz istilərində bir daş stəkan su üçün möcüzəli köşkünqarşısında uzun növbəyə dayananları çox görmək olardı. Su insan müdaxiləsi olmadan avtomat vasitəsilə satılırdı. 1 və ya 3 qəpiyə qazlı, sirop və bir də adi su ala bilərdiniz.

Azərbaycanda da şəhərlərin əksəriyyətində bu köşklərə rast gəlmək olardı.

SSRİ dağılandan sonra bu köşklər də tarixə çevrildi. Amma Sumqayıtda Sovet dövrünün yadigarı olan, insanlarda nostalji hisslər oyadan avtomat su köşklərindən birinə rast gəlmək olar.

Şəhərin 8-ci mikrorayon ərazisində yerləşən bu su köşk 1972-ci ildə Sumqayıt şəhəri 8-ci mikrorayon qarşısında qoyulub. İnsanlar köşkə yaxınlaşaraq insan təması olmadan burada göstərilən yerə 1 qəpik və yaxud 3 qəpik salaraq burda isə suyun növünü qazlı və yaxud rəngli su seçərək sifariş edərdilər. Hazırda isə yararsız vəziyyətdə olan avtomat su köşkü Sovet dövrününn bir qalığıdır.

Bu da bir tarixdir. Hər dövr isə bir çox xatirələrlə yadda qalır. Elə sumqayıtlıların yaddaşından unudulmaz izlər buraxan bu avtomat su köşkü kimi…(lent.az)