Bir müddətdir ki, Sumqayıtda kukla teatrı fəaliyyətə başlayıb.
Sumqayıt Gənclər Evində yerləşən teatrın təsisçisi və rəhbəri Ayişə Səfərli Xeberle.com-a açıqlamasında bildirib ki, kukla teatrının olmadığını nəzərə alaraq "Günəşim” kukla teatrını yaratmaq qərarına gəlib: "Teatr uşaqların dünya görüşünün inkişafına, teatr estetikasının dərk edilməsinə, teatra sevgisini aşılayır. Nağıllar vasitəsilə uşaqlar fantaziyanı gerçəyə çevirərək təxəyyülünü inkişaf etdirir, nağıllarda olan müsbət xarakterli obrazlara rəğbət bəsləyərək onları özünə nümunə seçir.
"Sumqayıtda müasir standartlara cavab verən "Günəşim” kukla teatrı 16 aprel 2019-cu ildən güclü komandanın əməyi nəticəsində fəaliyyətə başlayıb və həmin gündən " Balaca dahilərin” sevimli teatrına çevrilib. Teatrın repertuarında "Tıq- Tıq xanım”, "Qırmızı papaq”, "Qoğal”, "Cırtdan” və digər məşhur nağıllarımız var.
A. Səfərli qeyd edib ki, 2020- ci ilin mart ayında pandemiya başlayanda bütün teatrlar, o cümlədən "Günəşim” kukla teatrı tamaşa zallarının qapılarını bağlamalı olub: "Buna baxmayaraq tamaşalar onlayn təqdim olunub və yenidən fəaliyyətini bərpa edib. Teatrımız təkcə Sumqayıtda deyil Xızı rayonunda da səyyar tamaşalarla uşaqları sevindirir. Düşünürəm ki, uşaqların asudə vaxtının səmərəli təşkili hər birimizin mənəvi borcu, sosial məsuliyyətidir və bu yolda ilk yardımçımız analar və müəllimlər olacaq. Maraqlı və məsuliyyətli işdə hər birimizə uğurlar arzu edirəm!
Teatrla maraqlananlar bu telefon nömrəsi ilə əalqə yarada bilərlər -077 767 12 72
Xəbərdən istifadə edərkən istinad etmək vacibdir.
