Laçın-Zabux yolunun 2-ci km-də qəza baş verib.
Xeberle.com trend.az-a istinadən xəbər verir ki, qəza zamanı "MAN" markalı nəqliyyat vasitəsinin sürücüsü Fərman Hüseynov idarəetməni itirərək qarşıdan gələn Elman Qarayevin idarə etdiyi "MAN" markalı nəqliyyat vasitəsi ilə toqquşub.
Hər iki nəqliyyat vasitəsinin sürücüləri müxtəlif dərəcəli bədən xəsarətləri alıblar, tibbi yardım göstərilməsi üçün xəstəxanaya aparılarkən Fərman Hüseynov yolda ölüb.
Faktla bağlı cinayət işi başladılıb, araşdırma aparılır.
Xəbərdən istifadə edərkən istinad etmək vacibdir.
