Sumqayıtda güclü külək və yağış bir sıra fəsadlar yaradıb. Yağış yağan kimi yolları su basır, avtomobillərin hərəkəti çətinləşir, piyadalar bir küçədən digərinə keçə bilmir.
Belə ki, şəhərin ayrı-ayrı məhəllələrində, suyun səviyyəsinin qalxması ilə nisbətən çökəkdə yerləşən həyətlərə su dolub. Nəticədə yollarda suyun səviyyəsi qalxıb və avtomobillərin hərəkətində problemlər yaranıb. Yağışın fəsadlar yaratdığı küçələrdən biri də Corat qəsəbəsinin Kamil Hüseynov və Cəfər Cabbarlı küçələri olub. Nəticədə ərazidə yaşayan sakinlər sərbəst və rahat hərəkət edərək evlərindən çölə çıxa bilmir.
Eyni zamanda, güclü külək Sumqayıt şəhərində işıq dirəklərini də aşırıb. Şəhərin 16-cı mikrorayon və Corat qəsəbəsinin hüdudlarında baş verən hadisə nəticəsində zədələnən kabellər əraziyə düşüb.
Xəbərdən istifadə edərkən istinad etmək vacibdir.
