Daxili işlər orqanlarının əməkdaşları əllərdə qanunsuz olaraq
saxlanılan və gizlədilən odlu silah-sursatın aşkar edilməsi məqsədi ilə
növbəti əməliyyat tədbiri həyata keçiriblər.
Bu barədə Xeberle.com-a Daxili İşlər Nazirliyinin mətbuat xidmətindən məlumat verilib.
Belə
ki, Sabunçu Rayon Polis İdarəsi 42-ci Polis Bölməsinə Yasamal rayon
sakini, əvvəllər məhkum olumuş Nadir Qurbanovda odlu silah olması, həmin
silahı "Nardaran Qalası”nda gizlətməsi barədə məlumat daxil olub.
Həyata
keçirilən əməliyyat tədbirləri nəticəsində həmin şəxs saxlanılıb. Hal
şahidlərinin iştirakı ilə qeyd edilən yerə baxış keçirlən zaman oradan 1
ədəd "Makarov” markalı tapança və içərisində 7 ədəd patron olan daraq
aşkar olunaraq götürülüb. Saxlanılan şəxs ifadəsində həmin
salah-sursatın ona məxsus olmasını etiraf edib.
Faktla bağlı
42-ci Polis Bölməsində toplanan material araşdırılması üçün Sabunçu
Rayon Polis İdarəsinin İstintaq Şöbəsinə göndərilib.
Xəbərdən istifadə edərkən istinad etmək vacibdir.
