Bərdə rayon Polis Şöbəsinin əməkdaşı həmkarını güllələyib.
Xeberle.com qafqazinfo-ya istinadən xəbər verir ki, hadisə mayın 31-dən iyunun 1-nə keçən gecə baş verib.
Şöbənin Post Patrul Xidmətinin əməkdaşı, polis serjantı 1991-ci il təvəllüdlü Məmməd Məmmədzadə xidməti başa vurduqdan sonra silahını təhvil verərkən "Makarov” markalı silahdan ehtiyatsızlıqdan açılan atəş nəticəsində növbətçi köməkçisi, serjant Fərid Mehdiyevi vurub. F.Mehdiyev qolundan yaralanıb və xəstəxanaya yerləşdirilib.
Hadisə ilə bağlı araşdırma aparılır.
Bərdə RPŞ-dən bildirilib ki, hadisə ilə bağlı onlar heç bir məlumat verə bilməzlər.
Xəbərdən istifadə edərkən istinad etmək vacibdir.
