Yol qəzasında ağır xəsarətlər alan piyada xəstəxanada ölüb.
Xeberle.com xəbər verir ki, Sumqayıt şəhərinin 41-ci məhəlləsində yol-nəqliyyat hadisəsi zamanı ağır bədən xəsarətləri alan şəhər sakini, 2003-cü il təvəllüdlü Babayeva Jalə Aydın qızı müalicə aldığı xəstəxanada dünyasını dəyişib.
Qeyd edək ki, 16 yaşlı qız oktyabrın 14-də Sumqayıt şəhərində qəza zamanı ağır xəsarət alıb. O, Bakıda xəstəxanalardan birinə yerləşdirilib. Həkimlərin səylərinə baxmayaraq J. Babayeva bu gün vəfat edib.
Mərhumun meyiti müayinə olunmaq üçün aidiyyatı üzrə təhvil verilib.
Faktla bağlı araşdırma aparılır.
Xəbərdən istifadə edərkən istinad etmək vacibdir.
