Metronun "Nərimanov" stansiyasında bir nəfər özünü qatarın altına atıb.
"Bakı Metropoliten"indən verilən xəbərə görə, maşinist cəld tərpənərək qatarı saxlaya bilib.
Dərhal gərginlik xətdən ayrılıb.
Özünü qatarın altına atan 24 yaşlı gənc 1988-ci il təvəllüdlü Şkürov Tural Sahib oğlu yüngül xəsarət alıb.
O, 1 saylı şəhər kliniki xəstəxanasına yerləşdirilib.
Hadisə nəticəsində qatarların hərəkətində 10 dəqiqə gecikmə olub.
Hazırda polis gəncin özünü qatarın altına atması səbəbini aydınlaşdırır.
"Bakı Metropoliteni"ndən o da bildirilib ki, qatarların hərəkətində hər hansı bir texniki problemin yaranması ilə bağlı yayılan məlumatların heç bir əsası yoxdur.
Xəbərdən istifadə edərkən istinad etmək vacibdir.
