Rusiya prezidenti Vladimir Putin azərbaycanlı xokkeyçi Orxan Kazımovu mükafatlandırıb.
V.Putin idmançımıza 18-ci Surdolimpiya Oyunlarında göstərdiyi yüksək nəticəyə görə fəxri diplom verib.
Bundan əlavə Rusiyanın idman naziri Vitaliy Mutkoy prezidentin adından Kazımova "Rusiyanın əməkdar idmançısı" fəxri adını da təqdim edib.
Xatırladaq ki, martın 28-dən aprelin 5-nə kimi Rusiyanın Xantomansiysk şəhərində XVIII Qış Surdolimpiya Oyunları keçirilib. Həmin turnirdə Azərbaycan əsilli idmançı Rusiya millisinin tərkibində çıxış edib və qızıl medala sahib olub.
Yeri gəlmişkən, bu yarış Rusiyada eşitmə qüsurlu insanlar arasında keçirilən ilk turnirdir. (publika.az)
Xəbərdən istifadə edərkən istinad etmək vacibdir.
