Bu gün Naxçıvan Muxtar Respublikasının Şərur Olimpiya İdman kompleksində Kikboksinq üzrə Peşəkarlar arası "Azərbaycan Kəməri” uğrunda döyüşlər keçirilib. Xeberle.com sumqayitxeber.com-a istinadən xəbər verir ki, yarışa qatılan "Qızıl Oğlan” ləqəbli sumqayıtlı idmançı Nahid Əsədov "Azərbaycan Kəməri”ni qazanıb.Yarış Azərbaycan Respublikası Gənclər və İdman Nazirliyi, Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikasının Şərq Döyüşü Sənəti Federasiyası, Azərbaycan Kikboksinq Federasiyasının birgə təşkilatçılığı ilə baş tutub.