Dünən Sumqayıtda keçirilən "Sumqayıt" - "Neftçala" matçı qalmaqalsız ötüşməyib.
Qarşılaşmanın ilk hissəsinin ortalarında "Sumqayıt"ın futbolçusu Murad Ağayevlə "Neftçala"da forma geyinən "Roma" ləqəbli futbolçu arasında mübahisə düşüb.
"Roma"nın işlətdiyi sözə dözə bilməyən Murad onunü stünə şığıyaraq itələyib. Bununla da tərəflər arasında qalmaqal yaşanıb. Yalnız ətrafdakıların müdaxiləsi ilə ara sakitləşib. Lakin görüşün baş hakimi hər iki futbolçuya qırmızı vərəqə göstərərək onları meydançadan qovub. Ağayev birbaşa soyunub-geyinmə otağına yollansa da "Roma" bunu edə bilməyib. Belə ki, oyunu tribunadan izləyən "Neftçala"nın prezidenti Famil Seyfiyev futbolçusuna "qayıt get komandanın yanına" göstərişini verincə futbolçu da yolunu dəyişərək ehtiyat oyunçular skamyasında əyləşən komanda yoldaşlarının yanına yollanıb. (rekord.az)
Xəbərdən istifadə edərkən istinad etmək vacibdir.
