Türkiyənin "Karşıyaka" klubunun futbolçusu, Azərbaycan milli komandasının sabiq üzvü Mahir Şükürovun Sportnet.az-a müsahibəsi
 - Səni cüdo yarışında görməyimiz gözlənilməz oldu... 
- Cüdoya marağım, Azərbaycan Cüdo Federasiyasının rəhbərliyinə simpatiyam var. Ağsaqqalımız Sadıq Sadıqovun bu federasiyanın vitse-prezidentidir. Mənə "Böyük Dəbilqə" turnirinin açılışına dəvətnaməni onun oğlu İbrahim göndərmişdi. Cüdo federasiyamızın Bakıda çox yaxşı turnir keçirdiyinin şahidi oldum. Milli komandamıza azarkeşlik etməyə gəlmişdim.
- Ümumiyyətlə, maraqlanırsanmı digər idman növlərində, xüsusilə cüdoda neçə lisenziya qazanmışıq?
- Sözün açığı, dəqiq saydan xəbərim yoxdur. Ancaq bilirəm ki, xeyli idmançımız lisenziya qazanıb. Sadəcə, konkret adları bilmirəm.
- Yaxında cüdoçumuz Avropa çempionu oldu. Tanımırsan onu?
- Vallah, adı yadımdan çıxıb.
- Belə çıxır ki, bu ölkədə futbolçuları daha çox tanıyırlar, nəinki digər idmançıları...
- Futbol həmişə idmanda "1 nömrə" olduğundan belə olub.
- Futbolumuzun hazırkı durumu ilə maraqlanırsanmı?
- Açığı, yox. Ona agörə bir söz deyə bilmərəm. Gördünüyüz kimi, cüdodayam, bu idman növü ilə maraqlanıram.
- Ancaq cüdoda da Avropa çempionunun adını bilmədin...
- Bilmirəm, yavaş-yavaş öyrənəcəyəm.
- Futbolumuzda çempionun kimin olmasından xəbərin oldu?
- Beş-tur əvvəldən çempionun "Qarabağ" olacağı bilinirdi. Çünki hazırda "Qarabağ"la rəqabət apara biləcək komanda yoxdur.
- Bəs hansı komandanın çıxışı səni müsbət və ya mənfi mənada təəccübləndirdi?
- "Kəpəz"in büdcəsi az, maddi sıxıntısı olmasına baxmayaraq Avropa Liqasına vəsiqəyə namizəd olduğunu görürəm. Eləcə də AZAL. Futbolçuları əziyyət çəkirlər, nəticə qazanırlar. Bizim çempionatda belə hal olmamışdı ki, futbolçular belə az maaş alsınlar, belə çətin şəraitdə avrokuboklara vəsiqə verən yerdə olsunlar. Məni ən çox təəccüblədnirən bu 2 komandadır.
- Bəs sənə belə az maaş təklif olunsaydı, gəlib oynayardınmı?
- Mən elə ona görə oynamıram da.
- Belə çıxır ki, pula görə oynamırsan?
- Bəli.
 - Bunu necə qəbul edirsən? Səncə, bu, yaxşı haldır?
- Mənim öz adım-sanım var. Mən Mahir Şükürovam. Həmişə üst səviyyədə olmuşam deyə həmişə də yuxarı maaş almaq istəyərəm. Ancaq elə yerdə oynamaram.
- Ancaq üst səviyədə oynaya biləcəyin çempionat Türkiyə idi ki, orada da çıxış edə bilmədin...
- Yox, niyə ki? Oynaya bildim. "Karşıyaka"dakı oyunlarıma baxa bilərsiniz, hamısında yüksək səviyyədə çıxış etmişəm. Hər futbolçu mənim kimi orada oynaya bilməyib. Sadəcə, 7 ay maaşımı vermədilər. Məndə incik vəziyyətdə etirazımı bildirdim, məşqlərə getmədim. Klubla heç bir problemim olmayıb.
- Ancaq sonra da özünə klub tapa bilmədin...
- Mənim "Karşıyaka" ilə 2 illik - "1+1" şərtilə müqaviləm, pul problemim var. Ona görə söhbətimiz qalıb.
- Yəni klubunu dəyişsəm, pulunu verməyəcəklər...
- Ay sağ ol. Ona görə də klubumu dəyişmədim ki, pulumun hamısını alım.
- Nə vaxta kimi gözləyəcəksən?
- Mayın sonunda müqaviləm bitir. Pul işimi həll edəndən sonra digər klublarla danışıqlar aparacağam. Mən orada sırf pulumu itirməməyə görə heç bir klubla müqavilə bağlamadım.
- Pulun ödənişi ilə bağlı nə deyirlər?
- Mənim vəkilim var, bu işlərlə o məşğul olur.
 - Türkdür, yoxsa?
- Türkdür.
- Ad-soyadını deyə bilərsən?
- Yox, açıqlaya bilmərəm. Məsələ tam həll olunanda özünüz də görəcəksiniz. "Karşıyaka"nın rəsmi saytına hansı futbolçuların pullarını verdiklərini yazacaqlar.
- FİFA-ya şikayət etmisiniz, yoxsa məsələni Türkiyə daxilində həll etmək istəyirsiniz?
- FİFA-ya da, Türkiyə Futbol Federasiyasına da şikayət olunub. Qərarı gözləyirik.
- Yəni kluba cəza veriləcək...
- FİFA-dan sənəd gəlməlidir ki, Mahir Şükürovun pulunu verməlisiniz.
- Məbləğ təxminən nə qədərdir?
- Açıqlaya bilmərəm, ancaq məbləğ çoxdur.
 - Kamran Ağayev "Karşıyaka"da ona verilməli olan puldan imtina etdi, gəlib Azərbaycanda oynadı. Bəs sən niyə eyni varianta əl atmadın?
- Məndə də bu variant mümkün idi. Ancaq mənim öz prinsiplərim var. Hərənin öz baxışı var. Mən imtina etmək istəmirəm. Futbolu belə qurtararam. Kamran Ağayev, başqa futbolçulara hörmətlə yanaşıram, ancaq hərənin öz fikri var. Mən bu yolu seçdim.
 - Yeni klub axtarışına çıxmısan? Təklif varmı?
- Dekabrda vardı. Ancaq puluma görə heç bir klubla müqavilə bağlamadım. Vəkilim mənə dedi ki, bunu etsən, bu mövsümün də puluna ala bilərik. Çünki müqavilən "1+1"dir. Ona görə də gözləməli oldum.
- Hansı klubdan, hansı ölkədən idi?
- Yalandan durub deyə bilmərəm bu ölkə idi. Ancaq təkliflər var idi.
- Yalandan niyə ki...
- Klubun adını açıqlaya bilmərəm.
- Onda heç olmasa ölkəni açıqlayardın...
- İnşallah, maydan sonra. Biz oynayanda Türkiyədə legioner sayılmırdıq. Sonra qərar çıxarıldı ki, azərbaycanlılar da legioner olsunlar. Ona görə problem oldu. Getmək istdəyim klubda legioner limiti dolduğundan məndə çətinlik yarandı. Növbəti mövsümdə Super Liqada olduğu kimi birinci liqada da 11 legioner oynada bilərəsn. Onda asan olacaq.
- Hətta Azərbaycandan xeyli axın ola bilər...
- Əlbəttə. Ancaq əvvəl belə deyildi. Klublarda legioner limiti dolmuşdu, əcnəbi futbolçunun müqaviləsi vardı. Gərək pulunu verib çıxartmalı idin. Özü də legionerlərlə UEFA müqavilələri imzalanıb. 11 legionerlər bağlı qərar çıxarandan sonra bizə asan olacaq.
- Keçmiş komandaların "Neftçi" ilə "Qəəblə"nin hazırkı durumları ilə bağlı nə deyə bilərsən?
- "Qəbələ"nin bu mövsümkü kimi zəif oyununu görməmişdim. Bayaq AZAL-ın adını ona görə çəkdim ki, orada 500-700 dollara oynayan futbolçulardır, ancaq nəticə qazanırlar. 20-30 minlik futbolçulardan heç də zəif oynamırlar. Görürəm ki, baş məşqçi Tərlan Əhmədov düzgün iş aparıb, komandanı psixoloji cəhətdən hazırlayıb. O pulu buraxmaqdansa, az büdcə ilə azərbaycanlı futbolçuları "Qəbələ"də oynatmaq olar. Bununla da öz futbolçularımızı yetişdirə bilərsən. Azərbaycan çempionatı 2 il əvvələ baxanda heç də güclü səviyyədə deyil. Azərbaycanlı futbolçularla Azərbaycan çempionatında fırlanmaq mümkündür. Belə demək olar. Çempionarın səviyyəsi çox aşağıl düşüb. "Zirə" 7-8 ididlalı komanda olanda 2-ci yeri tuta bilərdi? Yox. Heç 11-ci yerə yaxın dura bilməzdi. Real danışmaq qlaızmdır. "Zirə" əvvəlki çempionatlarda baş çıxara bilməzdi.
 - "Neftçi"nin finala çıxmağı nəyin göstəricisidir?
- Komanda səfərdə döyüşdü. Ona 1 qol vurmaq lazım idi. Vurdu, şansından istifadə etdi. Ancaq finalda "Qarabağ" olduğundan çox çətin olacaq. "Qarabağ" - "Neftçi" oyunları həmişə prinsipial olub.
- "Neftçi" avrokuboklara çıxsa, ən azı 4 ilki uğuru təkrarlaya biləcəkmi? Sizin vaxtınızda olduğu kimi Avropa Liqasının qrupuna düşə biləcəkmi?
- Mən inanmıram. Çünki heyət çox zəifləyib. "Neftçi" heç vaxt 6-7-ci yerlərdə görmək istəməzdim. Avropa Liqasına vəsiqə qazansalar, gərək heyətin yarısını dəyişsinlər. Çünki Avropa Liqası başqa yarışdır.
- Gərək onda sənin tələb etdiyim məbləğə futbolçulara pul verilsin...
- Klubun menecerri yaxşı futbolçuları axtarmalıdır. Elə yaxşı futbolçular var ki, 10, 15, 20 minə də gəlib oynayarlar. Məgər Dodo. Flavinyo neçəyə gəlmidşilər? Gəldilər, özlərini göstərdilər. Bundan sonra dedilər ki, bu məbləği istəyirik. İstənilən xarici futbolçu belədir. Görəndə klubda pul var, tələbini irəli sürür.
- "Qarabağ" legionerlərini saxlaya biləcəkmi?
- Bəli, onun heyəti genişdir, büdcəsi var. "Qarabağ" "Neftçi" kimi deyil ki, SOCAR maliyyələşdirsin. O, özəl şirkətin klubudur. Ancaq legionerlərin özlərindən çox şey asılıdır. Bəlkə elə təklif gəldi ki, özləri də qalmaq istəmədilər. Məsələn, Leroy Cora təklif gəldi, dərhal getdi "Göztəpə"yə.
 - Ancaq heç nə alınmadı. Nə onda, nə də Muaremdə. Sanki "Qarabağ"dan gedənlərin işləri düz gətirmir...
- Türkiyə çempionatında hər futbolçu baş çıxara bilmir. Van Persi kimifutbolçu  "Fənərbaxça"da "Mançester Yunayted"dəki oynaya bilmir. Ağır çempionatdır. Üstəlilk, jurnalistləri futbolçunun üzərinə çox gedirlər. təzyiq edirlər. Deyirlər ki, bu qədər pul verirsiniz, ancaq yaxşı oynamırlar. Bu da futbolçuya psixoloji təsir göstərir.
- Belə çıxır ki, Azərbaycanda oynamaq fikrin yoxdur...
- Bəli. Alınsa, gedib xaricdə oynayacağam. Alınmazsa, futbolla vidalaşacağam. Oynadığını oynamışam. Daha bəsdir.
- Harada yaşayırsan?
- Türkiyədə, İzmir şəhərində yaşayıram. Orada evim var. Azərbaycana gedib-gəlirəm. Türkiyədə biznesim yoxdur. Burada bir-iki işim var. Ən çox Sumqayıtdadır.
- Bir ara toyuq fermanın olduğu haqda məlumat yayılmışdı. Özü də bunu təsdiqləmişdin. Maraqlıdır, onun aqibəti necə oldu?
- Toyuq ferması artıq mənlik deyil. "Perevod" eləmişəm dayılarıma. Onun dalınca düşmürdüm də. Nə xeyir gəlirdisə, qohum-əqrəba arasında bölünürdü. Sadəcə, bacarmadığım iş idi. Əslində, ondan yaxşı iş də yoxdur. İşi bacarırsansa, çörəyin həmişə var. Gündə 100, 200, 500 toyuq sifarişi olurdu. Artıq toyuq fermasına baş qoşmuram. Qardaşım, dayılarım o işə baxır. Mənimki özümə bəsdir. Əsas onlar qazansınlar.
 - Sumqayıtı tərk etmək fikrin var?
- Sumqayıt doğulduğum vətəndir. İnsan da vətənindən qaçmaz. Orda da yaşayıram.