Sumqayıtda məktəblilər üçün keçirilən "Yay futbol düşərgəsi" layihəsinə yekun vurulub
Layihə "Kapital Bank" və "Paşa Həyat Sığorta" ASC-lərin sponsorluğu, Sumqayıt Şəhər Təhsil Şöbəsinin, "Azərikimya" İstehsalat Birliyinin, AFFA-nın dəstəyi və "Sumqayıt" futbol klubunun təşkilatçılığı ilə reallaşıb.

"Sumqayıt" futbol klubunun mətbuat xidmətindən AzərTAc-a bildiriblər ki, 3 gün davam edən üçüncü - sonuncu mərhələdə 35 şagird iştirak edib.
Tədbirin sonunda iştirakçılara diplom və hədiyyələr təqdim olunub.
Layihənin başa çatması münasibətilə xatirə şəkli çəkdirilib.
"Yay futbol düşərgəsi" layihəsində ümumilikdə 105 oğlan və qız şagird iştirak edib.. İyunun 2-də başlayan layihə 3 qrup üzrə keçirilmişdir. Layihədə "Sumqayıt" futbol klubunun akademiyasında çalışan 15 nəfərlik məşqçi heyəti də iştirak edib.