Çempionlar Liqasının III təsnifat mərhələsində Zalsburq” klubu ilə üz-üzə gələn "Qarabağ"ın məğlub olmasına baş məşqçi Qurban Qurbanov aydınlıq gətirib:

“Rəqib bilirdi ki, beş müdafiəçi ilə oynayacağıq. Onlara bu haqda əvvəlcədən məlumat ötürülmüşdü. Heyf ki, Reynaldo ən yaxşı formada olduğu bir vaxtda bizə kömək edə bilmədi. Ancaq biz tək Reynaldodan ibarət deyilik. Bəzi aparıcı oyunçumuzun olmaması özünü göstərdi. İlqar Qurbanovun zədəsi isə ciddidir. Onun əzələsində yırtıq var.

“Oyunumuz alınmadı. Məcburi dəyişikliklərə görə oyun planımız pozuldu. Bəzi futbolçulardan narazı qaldım. Rəqib də yaxşı oynadı. Onları təbrik edirəm, bundan sonrakı oyunlarında uğurlar arzulayıram. Biz isə Avroliqanı gözləyirik”.

“Hakimlik haqda danışmağın artıq mənası yoxdur. Birinci qolda İlqar Qurbanov zədələndiyi üçün meydanın kənarında idi. Namiq Yusifovu onun əvəzinə meydana buraxmaq istəsəm də, hakim buna icazə vermədi. Ona görə hakimə etiraz etdim. Digər epizodda isə hakim Çumbinyonun hərəkətini qayda pozuntusu kimi qiymətləndirdi. Ancaq oyunu saxlamaya bilərdi. İndi bunları danışmağın mənası yoxdur" (interaztv.com)