"Sumqayıt" yeni mövsüm üçün növbəti transferini həyata keçirib.
"Kimyaçı”lar Azərbaycan əsilli futbolçu, son olaraq Almaniyanın IV regional liqasında - "Berliner Ak" klubunda çıxış etmiş Kiyan Sultanpuru heyətinə qatıb. 25 yaşlı futbolçu ilə 2 illik müqavilə imzalanıb.
Karyerasına "Union Berlin" klubunun A2 (91 oyun, 54 qol) komandasında başlayan Sultanpur 2011-2013-cü illər ərzində Dortmund "Borussiya"sının A2 komandasının formasını geyinib. O, çıxdığı 22 görüşdə 3 qol vurub. 2013-cü ildə "Saarbrücken" FK-dan "Berliner Ak"a transfer olunan Sultanpur son mövsümdə 27 qarşılaşmada 11 qola imza atıb. /Sportnet.az/
Xəbərdən istifadə edərkən istinad etmək vacibdir.
