Dünən Sumqayıtdakı "Kapital Bank Arena"da maraqlı dostluq matçı keçirilib.

Sumqayıtlı jurnalistlərdən təşkil olunmuş komanda "Sumqayıt"ın məşqçilər korpusu və texniki heyətindən təşkil olunmuş komanda ilə üz-üzə gəlib.

"Sumqayıt"ın heyətində futbolu bu yaxınlarda buraxmış Samir Abbasov, Ceyhun Sultanov, Mübariz Orucov, Aqil Məmmədov, İlham Yadullayev kimi isimlərin yer alması oyuna marağı daha da artırıb. "Sumqayıt"ın prezidenti Kamran Quliyev də meydançada olub. Çoxları klubun böyük fərqlə qalib gələcəyini düşünsə də, hesab 12:7 olub. Hər halda, jurnalistlərin bu cür heyətə qarşı oyunda 7 dəfə fərqlənməsi də xüsusi qeyd olunmalıdır. Xatırladaq ki, yoldaşlıq matçında Xeberle.com portalının baş redaktoru Elnur Ağayev də iştirak edib.
Matçdan sonra tərəflər xatirə şəkli çəkdirib, çay süfrəsi arxasına əyləşiblər. Qərara alınıb ki, bu cür dostluq matçları ənənə şəklini alsın.

Xeberle.com