"Qarabağ" - "Dnepr" oyunu ilə bağlı UEFA Ağdam klubuna xəbərdarlıq edib.
Səbəb kimi təhlükəsizlik məsələlərinin tam olaraq yerinə yetirilməməsi, press-lojada yaşanan nöqsanlar, bilet satışının düzgün təşkil olunmaması və azarkeşlərin stadiona girişi zamanı təhlükəsizliyin təmin edilməməsi göstərilib. Klubun mətbuat xidmətindən bu məsələyə aşağıdakı kimi aydınlıq gətirilib
"Elə də ciddi məsələlərlə bağlı xəbərdarlıq almamışıq. İki məqama görə nöqsan tutdular. Birincisi, media-lojada jurnalistlərin yeyib-içməyi onların xoşuna gəlməyib. Həmin jurnalistlər hərəkətləriylə işləyən həmkarlarına problem yaradıblar. Digər məqam isə polislərlə bağlıdır. Asayiş keşikçilərinin nəzarəti UEFA-nı qane etməyib. Onlar polislərin zəif nəzarət etdiklərini bildiriblər. Başqa məsələlərlə bağlı problem olmayıb".(gun.az)
Xəbərdən istifadə edərkən istinad etmək vacibdir.
