Bu pulu çoxları görməyib ki, bu da tam təbiidir.
Xeberle.com-un məlumatına görə, 2013-cü ildə Mərkəzi Bank ümummilli lider Heydər Əliyevin 90 illik yubileyi münasibəti ilə qızıl yubiley pul nişanını tədavülə buraxıb.
Böyük Britaniyanın "The Royal Mint” şirkətində istehsal olunmuş pulun üz tərəfində ümummilli liderin adı, portreti, imzası, arxa tərəfində isə "Azərbaycan Respublikası” sözləri, Azərbaycanın xəritəsi, pulun nominalı və buraxılış ili təsvir edilib.
İşin ən maraqlı tərəfi pulun kütləsidir – 32,3 unsiya və ya 1005 q xalis qızıl. Bu puldan cəmi 5 ədəd hazırlanıb. Texniki parametrlərə gəlincə:
Buraxılış ili - 2013
Nominalı - 1000 manat
Metalı – Qızıl (Au 999.9)
Çəkisi - 32.3 unsiya (1005 q)
Diametri - 100 mm
Keyfiyyəti - Pruf
Buraxılış limiti - 5 ədəd
Mərkəzi bankın yubiley və xatirə pul nişanlarının onlayn satış sistemindən görürük ki, bu pul nişanı artıq satışda yoxdur.
Xəbərdən istifadə edərkən istinad etmək vacibdir.
