Fevralın 15-dən kənd təsərrüfatı texnikasının yeni qaydalarla satışına başlanacaq.
Bu barədə Xeberle.com-a Kənd Təsərrüfatı Nazirliyinin mətbuat xidmətindən bildirilib.
Məlumata görə, artıq fermerlər müvafiq texnikanı güzəştli qiymətlərlə təkcə "Aqrolizinq”dən deyil, bütün təchizatçı şirkətlərdən ala biləcəklər.
Texnikanın gömrük dəyərinin 20 faizini ilkin ödəniş olaraq fermer, 40 faizini isə subsidiya (güzəşt) şəklində Aqrar Kredit və İnkişaf Agentliyi ödəyəcək.
Qiymətin qalan hissəsi bankda maksimum 5 il müddətinə kredit şəklində rəsmiləşdiriləcək.
Kredit faizlərini fermer deyil, dövlət ödəyəcək.
Xəbərdən istifadə edərkən istinad etmək vacibdir.
