Bugünədək İqtisadiyyat Nazirliyi Sahibkarlığın İnkişafı Fondu tərəfindən ümumi dəyəri 5.1 milyard manat olan 35 mindən artıq sahibkarlıq subyektinin layihəsinə 2.3 milyard manat dövlətin güzəştli krediti verilib.
Xeberle.com xəbər verir ki, bunu jurnalistlərə açıqlamasında iqtisadiyyat nazirinin müavini Sahib Məmmədov deyib.
Onun sözlərinə görə, bu kreditlərin əsas hissəsi geri qaytarılan vəsaitlər hesabına təmin olunub:
"Bu da onu göstərir ki, real sahəyə qoyulan investisiyalar öz nəticəsini verməkdədir. Eyni zamanda, dövlət kreditlərinin aidiyyəti üzrə xərclənməsinə nəzarət gücləndirilib və bu məsələdə Fond özü də araşdırmalar aparır”.
Xəbərdən istifadə edərkən istinad etmək vacibdir.
