"Azərbaycan Respublikasında maliyyə xidmətlərinin inkişafına dair Strateji Yol Xəritəsi” və "Sığorta sektorunun inkişaf etdirilməsi üçün görülməli işlərlə bağlı Tədbirlər Planı”nın icrası məqsədilə Maliyyə Bazarlarına Nəzarət Palatasının təşkilatçılığı ilə Sumqayıt Şəhəri İcra Hakimiyyətində sığorta savadlılığının artırılması üçün maarifləndirici tədbir keçirilib.
Palatanın mətbuat xidmətindən Xeberle.com-a bildirilib ki, "Sığorta həftəsi” çərçivəsində keçirilən və sahibkarların, müxtəlif dövlət qurumlarının, İcbari Sığorta Bürosunun, Azərbaycan Sığortaçılar Assosiasiyasının, həmçinin sığorta şirkətlərinin nümayəndələrinin iştirak etdiyi tədbirdə sığortanın mahiyyəti, sığorta sektoru, könüllü və icbari sığorta növləri, daşınmaz əmlakın icbari sığortası və daşınmaz əmlakın istismarı ilə bağlı mülki məsuliyyətin icbari sığortası barəsində təqdimatlar edilib.
Təqdimatlardan sonra interaktiv formatda keçirilən tədbirdə suallar cavablandırılıb, müvafiq mövzular üzrə müzakirələr aparılıb.
Xəbərdən istifadə edərkən istinad etmək vacibdir.
