AGAT Azərbaycanda ilk dəfə keçiriləcək Buktreyler Festivalı təşəbbüsünü dəstəkləyir

Azərbaycan Gənclərinin Avropaya İnteqrasiyası Təşkilatının (AGAT) nəzdində yeni fəaliyyətə başlayan Trames Kitab Klubu hər həftə üzvlərin görüşünü keçirir. Xeberle.com məlumat verir ki, bu həftə Kitab Klubunun üzvləri üçün həftənin mövzusundan əlavə, Azərbaycanda ilk dəfə keçiriləcək Buktreyler Festivalının təqdimatı keçirilmiş və festival çərçivəsində çəkəcəkləri buktreylerlərin müzakirəsini etdilər. Tramesçilər bu təşəbbüsü dəstəkləyir və düşünürlər ki, Festivalda iştirak etməklə onlar oxuduqları kitablarla digər oxucularda maraq yaratmaq imkanı əldə edəcəklər. 

Qeyd edək ki, buktreyler – kitabın məzmununu vizuallaşdırmaqla oxucular arasında təbliğinə istiqamətlənmiş, onun ən parlaq və tanınan anlarını özündə əks etdirən video-çarx və ya kitabın məzmunundan bəhs edən qısametrajlı filmlərdir. 

Festivalda iştirak etmək üçün hazırda buktreylerlərin qəbulu davam edir. İştirak şərtləri ilə Festivalın saytında www.booktrailer.az yaxından tanış olmaq və daha ətraflı məlumatı almaq olar.