Martın 4-də Sumqayıt Regional Mədəniyyət İdarəsinə tabeli Abşeron rayon Heydər Əliyev Mərkəzində " 8 Mart-Beynəlxalq qadınlar günü” münasibətilə Mədəniyyət İşçiləri Həmkarlar İttifaqı Abşeron rayon komitəsi tərəfindən "rayonun mədəni-ictimai həyatında səmərəli fəaliyyətinə görə” mədəniyyət müəssisələrində çalışan bir qrup qadın Fəxri Fərmanla təltif olunub.
Tədbirdə əvvəlcə çıxış edən Sumqayıt Regional Mədəniyyət İdarəsinin baş məsləhətçisi Abşeron rayonu üzrə nümayəndə Əməkdar mədəniyyət işçisi İlham Manafov Sumqayıt Regional Mədəniyyət İdarəsinin rəisi Rəşad Əliyevin adından tədbir iştirakçılarına təbriklərini çatdırıb. Sonra çıxış edərək bildirib ki, Azərbaycan qadınları tarixin bütün mərhələlərində qəhrəmanlıq, fəallıq nümunəsi göstərmiş, öz milli xüsusiyyətlərini, sədaqətini, ülvi, ali hisslərini qoruyub saxlayıb.
Daha sonra Mədəniyyət İşçiləri Həmkarlar İttifaqı Abşeron rayon Komitəsinin sədri əməkdar müəllim İkram Manafov çıxış edərək Respublika Komitəsinin sədri Cəmilə xanım Səttarovanın da təbriklərini tədbir iştirakçılarına çatdırdıqdan sonra "Fəxri Fərman” ları təqdim edib.
Təltif olunanlardan H.Ə.Mərkəzinin direktoru Tükəzban Həsənova, Mədəniyyət Mərkəzinin bədii rəhbəri Samirə Qafarova, MKS-nin direktoru Məlahət Abdullayeva və başqaları onlara göstərilən diqqət və qayğıya görə öz dərin təşəkkürlərini bildiriblər. Sonda xatirə şəkilləri çəkilib.
Xəbərdən istifadə edərkən istinad etmək vacibdir.
