22 iyun 2022-ci il tarixində Sumqayıt Regional Mədəniyyət İdarəsinə tabeli Xızı rayon Mikayıl Müşfiq muzeyində şair Mikayıl Müşfiqin 114 illik yubileyinə həsr olunan "Xızı diyarının Müşfiq zirvəsi" adlı tədbir keçirilib. Tədbir Xızı rayon Mikayıl Müşfiq muzeyinin, Cəfər Cabbarlının Bakı şəhərindəki ev muzeyinin kollektivi və Azərbaycan Respublikası Prezidenti yanında Dövlət İdarəçilik Akademiyasının Tələbə Gənclər Təşkilatının təşkilatçılığı ilə həyata keçirilib. Tədbirdə çıxış edən Sumqayıt Regional Mədəniyyət İdarəsinin Xızı rayon nümayəndəliyinin baş məsləhətçisi Mönsüm Bağırov, Mikayıl Müşfiq muzeyinin direktoru Orxan Əzimov, Cəfər Cabbarlının Bakıdakı ev muzeyinin direktoru Qəmər Seyfəddinqızı, Azərbaycan Respublikası Prezidenti yanında Dövlət İdarəçilik Akademiyasının Tələbə Gənclər Təşkilatının sədri Murad Həsənxanlı, jurnalist Rəsmiyyə Heybətağaqızı Müşfiq həyatından, şairin yaradıcılığından, lirikasından ətraflı söhbət açıb.
Tədbirdə Azərbaycan Respublikası Prezidentinin yanında Dövlət İdarəçilik Akademiyasının Tələbə Gənclər Təşkilatının üzvlərinin ifasında Mikayıl Müşfiqin şeirləri, şairin sözlərinə bəstələnən mahnılar səsləndirilib.
Sonda tədbirin təşkil olunmasında iştirak edən fəallar Sumqayıt Regional Mədəniyyət İdarəsinin Xızı rayon nümayəndəliyi tərəfindən Fəxri fərmanlarla mükafatlandırılıb.
Xəbərdən istifadə edərkən istinad etmək vacibdir.
