Sumqayıt Muğam mərkəzində "Şuşa İli”nə həsr olunan "Daşkənddən Qarabağa könül körpüsü” adlı ədəbi-bədii gecə keçirilib.
Xeberle.com xəbər verir ki, tədbir Azərbaycan Respublikası Milli Məclisinin Mədəniyyət Komitəsi, Özbəkistandakı Heydər Əliyev adına Azərbaycan Mədəniyyət Mərkəzi, Sumqayıt Şəhər İcra Hakimiyyəti, Azərbaycan Respublikası Mədəniyyət Nazirliyi və Sumqayıt Regional Mədəniyyət İdarəsinin birgə təşkilatçılığı ilə reallaşıb.
Çıxış edənlər iki dövlət arasında tarixi əlaqələrdən, Ulu Öndər Heydər Əliyevin özbək xalqına hər zaman böyük sevgi ilə yanaşmasından bəhs ediblər.
Sonra "Özbəkistan-Azərbaycan” Dostluq Cəmiyyətinin fəxri fərmanı iştirakçılara təqdim olunub.
Tədbir Azərbaycan və Özbəkistanın xalq artisti Gülyanaq Məmmədova və beynəlxalq müsabiqələr qalibi, Əməkdar artist Sahib Paşazadənin ifaları ilə davam etdirilib.
Xəbərdən istifadə edərkən istinad etmək vacibdir.
