Kənd təsərrüfatı naziri Şəkidə vətəndaşlarla görüşüb.
APA-nın Şəki-Zaqatala bürosunun məlumatına görə, Prezident İlham Əliyevin tapşırıq və tövsiyəsinə uyğun olaraq mərkəzi icra hakimiyyəti orqanlarının rəhbərlərinin bölgələrdə vətəndaşlarla görüşü qrafikinə uyğun olaraq kənd təsərrüfatı naziri İnam Kərimov bu gün Şəki rayon kənd təsərrüfatı idarəsinin inzibati binasında Balakən, Zaqatala, qax, Şəki və Oğuz rayonlarından olan vətəndaşları qəbul edib.
Qəbula gələn vətəndaşlar əsasən fermerlərə güzəştli kreditlərin verilməsi, kənd təsərrüfatı texnikası və təsərrüfat suyu ilə təminat, ixtisasa uyğun işlə təmin olunma və digər məsələlərlə bağlı müraciətlər ediblər. Nazir vətəndaşların müraciətlərini, şikayət və təkliflərini dinləyərək qanunveriliciyə uyğun tədbirlərin görülməsi üçün nazirliyinin müvafiq strukturlarının rəhbərlərinə tapşırıqlar verib.
Müraciətlərin bir qismi yerindəcə həllini tapıb, qaldırılan digər məsələlər isə araşdırılması üçün nəzarətə götürülüb.
Qəbul zamanı nazirliyin idarə və tabeli qurumlarının rəhbərlərinin iştirakı ilə 70 yaxın vətəndaşın müraciətinə baxılıb.
Xəbərdən istifadə edərkən istinad etmək vacibdir.
