Sizə daha bir istedadlı azərbaycanlı gənci təqdim edirik:
15 yaşlı Ziya Gözəlov hazırladığı dərman və "Firelon" proqramına görə "Sabahın Alimləri" adına layiq görülüb.
Firelon adlandırdığınız bu proqramın əsas mahiyyəti nədən ibarətdir?
Bu haqda o belə deyir:
"Hesablamara görə dünyada hər 1 saatda 7 troyan yaradılır. Mənim hazırladığım proqram, kompyuterdə troyan növündə olan virusları taparaq silir. Bu skannerin əsas xüsusiyyəti 2 gündən bir yenilənməsidir.
Bu troyanlardan ən təhlükəliləri seçilərək skannerə əlavə olunur. Biz hər dəfə kompyuteri skan etdikdə troyanlar skanner tərəfindən tapılaraq yenidən başlatmadan maksimum 7-8 dəqiqə ərzində silinir".
Gənc mütəxəssis deyir ki, "FIRELON” adlandırdığımız bu skanner VISUAL BASIC proqramlaşdırma dili ilə hazırlanıb: "Təkcə troyan virusları deyil , bir çox faylların tərkibində olan virusları bu skanner tərəfindən skan edərək silmək mümkündür. Proqramda daha bir əlavə xüsusiyyət istədiyimiz diski və MMC kartı fərdi bir şəkildə skan etməkdir".
O, həmçinin də, tibb və sağlamlıq üzrə təbii üsulla Firelon adlı dərman pereparatı da hazırlayıb. Onun sözlərinə görə: "Dəridəki ləkələr və sızanaqları aradan qaldıra bilən təbii üsulla meyvələrdən götürdüyüm maddələrlə dərman kəşf etdim və bu dərmanı "Firelon" adlandırdım. Yaxın günlərdə dərman patentləşdiriləcək".
15 yaşlı ixtiraçı "Ixtiraçılığın əsasları və patentləşdirmə" mövzusunda iştirakına görə ADIU tərəfindən sertifikatla təltif olunub. (atv.az)
Xəbərdən istifadə edərkən istinad etmək vacibdir.
