Amerikalı alimlər COVID-19-un quruluşu haqqında yeni məlumatlar əldə edib.
Xeberle.com xəbər verir ki, tədqiqat "Journal of Molecular Biology” jurnalında dərc edilib.
Elm adamları koronavirusu 2003-cü ildə baş verən SARS-CoV-1 ilə müqayisə edib. Hər iki virusun genomlarının 86% eyni olduğu üzə çıxıb. Bununla birlikdə, COVID-19 HCoV-HKU1 ilə bəzi oxşarlıqlara da malikdir. Eyni zamanda SARS-CoV-1-də ölüm dərəcəsi olduqca yüksəkdir, lakin insanlar arasında yavaş yayılır, HCoV-HKU1 isə əksinə, insanlar üçün nisbətən zərərsizdir, lakin çox yoluxucu olur. Yeni tip koronavirusun bu qədər təhlükəli olmasına səbəb bu iki virusun birləşməsidir.
Elm adamları koronavirusa xarakterik "tac” və xüsusi bir döngə verən sünbül zülalının tərkibini də kəşf edib.
SARS-CoV-2 hər iki xüsusiyyətin qəribə birləşməsinə malikdir - ölüm və yoluxuculuq. Alimlər qeyd edib ki, təxminlərə əsasən struktur döngə virusun ötürülməsi və ya dayanıqlığı üçün çox vacibdir.
Xəbərdən istifadə edərkən istinad etmək vacibdir.
