Hamburq-Eppendorf Universiteti Xəstəxanasının alimləri ölmüş xəstələrin beynində koronavirus izləri tapıb.
Xeberle.com xəbər verir ki, araşdırmanın nəticələri "Lancet” jurnalı tərəfindən yayımlanıb.
Yarılma nəticələrinə görə, mütəxəssislər 51-94 yaş qrupuna daxil insanların 53 faizində beyin zədələnmələrinin olduğunu aşkar edib. Virus mərkəzi sinir sistemini tərk edən neyronlarda da müşahidə edilib. Xəstələrin 86 faizinə astroqlioz - sinir toxumasının dəstəkləyici hüceyrələrində anormal artım diaqnozu qoyulub.
Buna baxmayaraq, elm adamları dəyişikliklərin cüzi olduğunu qeyd ediblər. COVID-19-un mərkəzi sinir sisteminə ciddi təsiri sübut olunmayıb.
Xəbərdən istifadə edərkən istinad etmək vacibdir.
