"Bu gün bizim hər birimizin ürəyi cəbhədədir. Biz bu gün çətinlik sözünü ifadə etməyəcəyik”.
Xeberle.com xəbər verir ki, bu fikirləri Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva Nazirlər Kabineti yanında Operativ Qərargahın bu gün keçirilən brifinqində deyib.
Onun sözlərinə görə, cəmiyyətin dəstəyinə ehtiyac olacaq:
"Son zamanlar dünyada koronavirusa yoluxma sayında ciddi artımlar müşahidə olunub. Dünyada 38 milyondan çox təsdiqlənmiş COVID-19 xəstəsi var. Dünən ölkəmizdə isə yolxuma 530 olub. Bugünkü gündə 113 reanimasiyada olan xəstəmiz var, onlardan 16-sı süni nəfəs aparatına qoşulub”.
Xəbərdən istifadə edərkən istinad etmək vacibdir.
