Dekabrın 13-də Ermənistan-Azərbaycan sərhədinin Qazax rayonu ərazisində hərbi əsirlərin mübadiləsi prosesi baş tutacaq.
Xeberle.com məlumat verir ki, bu barədə Ermənistan mətbuatı məlumat yayıb.
Razılaşmaya görə Azərbaycan 32 erməni hərbçini, Ermənistan isə iki azərbaycanlı əsgəri - Hüseyn Axundov və Aqşin Bəbirovu təhvil verəcək.
Ermənistan parlamentinin Xarici Əlaqələr Daimi Komitəsinin sədri Sarqis Xandanyan bildirib ki, qaytarılacaq olan 32 əsirdən daha çox erməni Bakıda həbsdədir: "Onların da qaytarılması üçün çalışacağıq".
Sosial şəbəkələrin Azərbaycan seqmentində mübadilə prosesinin artıq başlanması barədə fotolar dərc olunub.
Xəbərdən istifadə edərkən istinad etmək vacibdir.
