Mərkəzi Seçki Komissiyasının yanvarın 17-dən start verdiyi aşağı seçki komissiyalarının üzvləri üçün treninqlər Sumqaytda davam edir.
Xeberle.com məlumat verir ki, fevralın 7-də ölkəmizdə keçiriləcək Azərbaycan Respublikası Prezidenti seçkiləri ilə əlaqədar təşkil edilən treninq proqramı çərçivəsində 44 saylı üçüncü Sumqayıt, 46 saylı beşinci Sumqayıt və 47 saylı Sumqayıt–Abşeron-Qaradağ seçki dairələrində treninqlər müvəffəqiyyətlə aparılır. Seçki gününə dair sənədlərin tərtibi, prosesin gedişi, seçici–məntəqə komissiya üzvünün münasibətləri və digər vacib məsələlər izah olunur. Treninqlərə məntəqə seçki komissiyalarının bütün üzvləri cəlb olunub.
Treninqləri Mərkəzi Seçki Komissiyasının təşkil etdiyi "Trenerlər üçün treninq” kursunda iştirak etmiş dairə komissiyalarının üzvləri aparır.
Hər bir iştirakçıya Mərkəzi Seçki Komissiyası tərəfindən hazırlanan "Seçki günü üçün yaddaş” kitabçası, eləcə də səsvermənin nəticələri haqqında protokol nümunəsi və bir sıra digər zəruri metodiki vəsaitlər, əyani materiallar təqdim olunub.
Qeyd edək ki, Sumqayıtda altı seçki dairəsi fəaliyyət göstərir. Seçicilər 230 daimi seçki məntəqəsində səs verə biləcəklər.
Xəbərdən istifadə edərkən istinad etmək vacibdir.
