Putinin Suriyaya müdaxiləsindən sonra amerikalılar ilk dəfə İŞİD-lə mübarizə çərçivəsində Suriyaya qoşun yeritmək haqda düşünməyə başlayıblar.

Bu iddia ilə "The Times” qəzeti çıxış edib. Bu həftə Pentaqon Obamanı inandıra bilib ki, xüsusi təyinatlı "yaşıl bretlilər”i Suriyayay göndərmək lazımdır. 

Obama bu variantı təsdiqləsə ABŞ-ın Suriyaya müdaxilə səviyyəsi artacaq. Pentaqon davamlı tənqidə məruz qalana ABŞ-ın İŞİD strategiyasını yeniləməyə çalışır. Bununla bağlı Obamaya Suriyadakı kürd silahlı qruplaşmalarına dəstək olaraq 30-50 nəfərlik xüsusi təyinatlı göndərmək təklif olunub. Quru ilə  hərəkət edəcək xüsusi təyinatlılar ABŞ aviasiyasının zərbələrini koordinasiya etməlidir. 

Ağ Ev İŞİD-lə üzbəüz döyüşlərdə iştirak etməyəcəyini dəfələrlə bəyan etsə də, ali komandanlıqda qorxu var ki, İŞİD-lə mübarizə dalana dirənib. İraqda 3500 amerikalı hərbi təlimçi olsa da İraq hökumət qoşunları İŞİD-in əlindən yalnız kiçik ərazini ala biliblər. (Avropa.info)