İranın paytaxtı Tehranda eyni adlı universitetin məscidində qılınan cümə namazında Rusiya üçün dua edilib.
Məlumata görə, cümə xütbəsini oxuyan Xamneyinin təmsilçisi Ayətullah Muvahhidi Kirmani İŞİD-i məğlub edə bilməsi üçün Rusiyaya dua edib.
"Allahu Tala İnşallah İŞİD-i məhv etməsi üçün Rusiyaya daha çox uğurlar ehsan etsin. Bu əməliyyatlardan sonra Suriyanın vəziyyəti yaxşılaşıb. Bir milyondan çox suriyalı qaçqın Rusiyanın hava əməliyyatlarından sonra öz torpaqlarına qayıdıblar.”
Kirmani Türkiyə ilə Rusiya arasında baş vermiş təyyarə qalmaqalını da şərh edib.
"Ümid edirəm ki, Rusiya ilə Türkiyə arasında yaşanan hadisədə tərəflər daha ağıllı addım atacaqlar və vəziyyət yaxşılaşacaq. Hər iki tərəfin soyuqqanlı olmağını arzulayırıq.”
Kirmani həmçinin, ötən həftə İranda keüçirilən "Qaz İxrac Edən Ölkələrin Formu”nda iştirak edən ölkə nümayəndələrinin, xüsusilə də Rusiya prezidenti Vladimir Putinin ali dini lider Əli Xamneyiyə heyran qaldığını bildirib.(ANS PRESS)
Xəbərdən istifadə edərkən istinad etmək vacibdir.
