ABŞ diplomatiya yolu ilə Pxenyanı mümkün qədər uzun müddətə dayandırmaq niyyətindədir.
Bu sözləri Pentaqon rəhbəri Ceyms Mettis deyib.
Pentaqon rəhbərinin sözlərinə görə, ABŞ Şimali Koreya problemini diplomatik yolla həll etməyə çalışır və Prezident Donald Tramp ölkənin bu mövqeyini açıq şəkildə nümayiş etdirib.
"Biz BMT-də qəbul edilən diplomatik tədbirləri dəstəkləməyə davam edirik. BMT Təhlükəsizlik Şurasında Şimali Koreyaya qarşı iqtisadi və diplomatik təzyiqlərin artırılması nəzərdə tutulan qətnamənin yekdilliklə qəbul edilməsinə şahid oldunuz. Pxenyanın yaratdığı təhlükələrin qarşısının alınması imkanlarını əlimizdə saxlayırıq”, - Mettis bildirib.
Qeyd edək ki, bir qədər əvvəl ABŞ Prezidenti Şimali Koreya rəhbərliyini BMT Təhlükəsizlik Şurasının qətnamələrinə riayət etməyə çağıraraq, raket sınaqlarına davam ediləcəyi halda Pxenyanın tamamilə məhv ediləcəyini bildirmişdi.(Axar.az)

Xəbərdən istifadə edərkən istinad etmək vacibdir.