Suriyanın Afrin şəhərində PYD ("Demokratik ittifaq") və YPG (PKK-nın Suriya qanadı) terrorçularına qarşı aparılan "Zeytun budağı" hərbi əməliyyatı Türkiyə iqtisadiyyatına təsir göstərməyəcək.
Xeberle.com xəbər verir ki, bu barədə Trend-in sorğusuna cavab olaraq Türkiyə İqtisadiyyat Nazirliyindən bildirilib.
Qeyd olunub ki, Türkiyə iqtisadiyyatının möhkəm əsası var: "Bundan başqa, "Zeytun budağı" əməliyyatı tez bir zamanda uğurla başa çatacaq".
Nazirlikdən bildiriblər ki, bu hərbi əməliyyat Tükiyənin, ölkənin sərhədlərinin və vətəndaşlarının təhlükəsizliyinin təmin edilməsi baxımından zəruridir.
Qeyd edək ki, yanvarın 20-də Türkiyə Silahlı Qüvvələri Suriyanın Afrin şəhərində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.

Xəbərdən istifadə edərkən istinad etmək vacibdir.