Dağlıq Qarabağın iştirakı olmadan Qarabağ üzrə danışıqlar effektiv ola bilməz.
Bunu parlamentdə çıxışı zamanı Ermənistan Baş naziri Nikol Paşinyan deyib.
"Ermənistan 1998-ci ildən etibarən Qarabağ adından danışıqlar aparır. Bu cür şey üçün mənim nə hüquqi, nə də mənəvi haqqım var. Qarabağ xalqı Ermənistan hakimiyyətinin formalaşdırılmasında iştirak etmir. Onun öz hakimiyyəti və prezidenti var”, – deyə o bildirib.
Onun sözlərinə görə, Qarabağ əhalisi Ermənistan hakimiyyətini seçmədiyi üçün İrəvan onları danışıqlarda təmsil edə bilməz.
O, həmçinin, Azərbaycan Prezidenti İlham Əliyevlə ATƏT-in Minsk Qrupu çərçivəsində danışıqlara hazır olduğunu deyib. O, danışıqların effektiv, əldə olunan razılaşmaların kağız üstündə qalmaması gərəkdiyini söyləyib. (Axar.az)

Xəbərdən istifadə edərkən istinad etmək vacibdir.