Beşinci
çağırış Milli Məclisdə təmsil olunan 31 deputat növbədənkənar parlament
seçkilərində iştirak etmir.
Xeberle.comxəbər verir ki, modern.az həmin deputatlardan bir neçəsi ilə əlaqə saxlayaraq
onların bundan sonra nə işlə məşğul olacaqlarını soruşub.
Onlardan da biri 41
saylı Sumqayıt I seçki dairəsinin hazırkı deputatı YAP üzvü Mirzəcan Xəlilovdur.
Mirzəcan Xəlilov açıqlamasında xeyriyyəçiliklə məşğul olacağını deyib: " "Kifayət qədər
yaşım var. 65-i keçmişəm. Ötən illər ərzində mənə etimad göstərilib. Dövlətim məni
ən ali mükafatla qiymətləndirib. Hər şey qabaqdadır. Gücüm çatdığı qədər gənclərə
dəstək olmağa çalışacam. Deputat olmasam da, insanlarla ünsiyyətim həmişə yaxşı
olub və bu davam edəcək. Bildiyiniz kimi, mən illərdir ki, xeyriyyəçiliklə məşğulam.
Bu işimi bundan sonra daha çox davam etdirəcəm”.
Xəbərdən istifadə edərkən istinad etmək vacibdir.
