Rusiya Federasiyasının İqtisadi İnkişaf Nazirliyi (İİN) 199 strateji müəssisənin siyahısını dərc edib. Öncə bu siyahı hökumət tərəfindən təsdiq edilməlidir. Verilən məlumata görə siyahısı dərc olunan müəssisələr ümumi milli gəlirin mənfəətinin 70 faizini təmin edir və həmin müəssisələrin işçi sayı 20 faizdən çoxdur. Bu siyahıda dövlətin yanacaq-enerji kompleksinin onurğa sütunu sayılan "Qazprom”, "Rosneft”, "Lukoyl”, "Novatek”, "Çuvaşneft”, "Transneft” şirkətləri də yer alıb.
Siyahıya almaz istehsal edən "Alrosa” şirkəti, eləcə də "Norilsk Nikel”, "Meçel”, "Birləşmiş Raket- Kosmik Korporasiyası”, "Rusiya Dəmir Yolları”, "Uralkali" şirkətləri də daxildir. Bununla yanaşı, avtomobil sənayesinin nümayəndələri "Kamaz”", Rusiya şirkəti olan "Renault” və "Sollers” də nazirliyin açıqladığı siyahıya düşüb. Siyahıda mobil rabitə operatorlarından "VimpelCom” ("Beeline”), "Megafon”, eləcə də Rusiyanın ən böyük telekommunikasiya şirkəti olan "Rostelekom”un da adı var.
Siyahıda böyük riteyl şirkətləri də var. Söhbət "36,6” apteklər şəbəkəsindən, "Protek" ("Riqla” aptekləri) MMC-dən, "Aşane”, "Diksi Qrup”, "M. Video”, " Metro Keş və Kerri”, " Yeddinci kontinent” və "X5 Retail Group” ("Beşlik”, "Yol ayrıcı”, "Karusel” və "Qəpik”) müəssisələrindən gedir. Bura "Ural Hava Yolları", "UTair", "Aeroflot" və "Transaero" və iki paytaxt aireportu – "Domodedovo”, "Pulkovo” və "Şermetovo” da daxildir.
Siyahıda tikinti şirkətlərinin adlarına da rast gəlmək olur. Keçmiş Moskva meri Yuri Lujkovun həyat yoldaşı Elena Baturinanın sahibi olduğu "İnteko” QSC və "Su-155” şirkətini buraya daxil etmək olar. Həmçinin siyahıda "Rusiya poçtu”, "Rosatom”, "Rosset”, "Sistem” müəssisələrinin də adları var. Bildirilir ki, siyahıda adları yer alan müəssisələr dövlət tərəfindən dəstək verilən şirkətlər siyahısına daxil deyil. Siyahıya əsaslandırılmış səbəb göstərməklə hökumət komissiyası tərəfindən düzəlişlər edilə bilər. (analitik.az)
Xəbərdən istifadə edərkən istinad etmək vacibdir.
