Sumqayıt Bələdiyyəsi bağ massivinə aparan yolun təmir işlərinə diqqəti artırır. Ötən ilin dekabrında keçirilən bələdiyyə seçkiləri zamanı seçicilərin müraciət və təkliflərini nəzərə alan Sumqayıt Bələdiyyəsi "Qurd dərəsi” adı ilə tanınan bağ massivinə aparan 17 N-li avtobus marşrutu yolunun təmirini davam etdirməkdədir. Şəhərin minlərlə sakininin yalnız yaz-yay mövsümündə deyil, bütün il boyu, hər gün istifadə etdiyi həmin yolun abadlaşdırılması ilə Sumqayıtla bağlar massivi arasında gediş-gəliş daha rahat olacaqdır.