Xeberle.com-un məlumatına  görə, Fövqəladə Hallar Nazirliyi Sumqayıtda ticarət mərkəzində yanğın olması ilə bağlı yayılan məlumatlarla bağlı   açıqlama yayıb. Açıqlamada deyilir: "Bəzi kütləvi informasiya vasitələrində 5 iyun 2015-ci il tarixində Sumqayıt şəhərində yerləşən "Karvan” ticarət mərkəzində yanğın baş verməsi barədə məlumat yayılıb. Fövqəladə Hallar Nazirliyi bildirir ki, bu məlumat həqiqəti əks etdirmir və göstərilən tarixdə Sumqayıt şəhərində heç bir ticarət mərkəzində yanğın hadisəsi qeydə alınmayıb."

Xatırladaq ki, ötən gün Sumqayıtın Bayraq meydanında mərhum prezident Heydər Əliyevin plakatının yerləşdiyi lövhə yanıb. Bir sıra media orqanları isə "Karvan" ticarət mərkəzində yanğın olması barədə məlumat yaymışdılar.
Xeberle.com