Sumqayıtlılar şikayətçidirlər.

Artıq 2 sutkadır ki, Sumqayıta güclü qar yağıb. Nə yaxşı ki, ictimai nəqliyyatda ciddi problemlər yaranmayıb, yəni insanlar marşrut avtobuslarla, taksilərlə birtəhər də olsa, şəhərin bu başından digər başına hərəkət edə bilirlər. Amma yolların təmizlənməməsi ayır bir problemdir ki, hazırda sumqayıtlılar daha çox bundan narazı və narahatdırlar. Bunu Xeberle.com portalının elektron ünvanına gələn məktublar, portalın facebook sosial şəbəkəsində olan səhifə və qrupuna yazılan şikayətlər, eyni zamanda qaynar xəttə daxil olan zənglər deyir. Onlar əsasən Sumqayıtın 2-3 mərkəzi küçəsinin, xüsusən Sülh küçəsi və Heydər Əliyev prospektinin təmizlənməsini söyləyir, vurğulayırlar ki, digər yerlərin durumu isə heç ürəkaçan deyil və nəqliyyat, eləcə də piyadalar üçün ciddi təhlükə mənbəyi olaraq qalmaqdadır.

Xeberle.com

P.S. Aşağıda Sumqayıtın təmizlənməmiş küçələrindən olan fotoları təqdim edirik: