Sumqayıt pandemiya xəstəxanasının koordinatoru Vüsalə YaşarXeberle.com-a açıqlamasında bildirib ki, şəhərdə vəziyyət heç də ürəkaçan deyil. Pandemiya xəstəxanası elan olunan 1 nömrəli Sumqayıt şəhər xəstəxanası isə infeksion xəstələr üçün nəzərdə tutulmadığından bəzi problemlərlə üzləşirlər: "Xəstəxanaya kütləvi şəkildə axının olması sıxlıq yaradıb. Hazırda xəstəxanada 300-dən çox xəstə müalicə alır. Amma rəqəmlər tez-tez dəyişir. Bu xəstələr orta ağır və daha ağır olan xəstələrdir. Ağırlaşan xəstələr reanimasiyaya yerləşdirilir, nisbətən yüngül olanlar isə çıxarılır".

V. Yaşar Sumqayıtda inşa olunan modul tipli xəstəxananın fəaliyyəti ilə bağlı məsələyə də toxunub: "Modul tipli xəstəxanaya xəstələrin köçürülməsi üçün bütün lazimi avadanlıqlar olmalıdır ki, səhərisi gün də xəstələr  şikayət etməsinlər. Bu barədə isə qərarı və orada gedən hazırlıqları səhiyyə şöbəsi aparır.

Sumqayıt Səhiyyə şöbəsinin müdiri Səkinə Sadıxova isə Xeberle.com-aaçıqlamasında bildirib ki, modul tipli xəstəxanada pasientlərin qəbulu üçün hazırlıq işləri görülür və proses başa çatdıqdan sonra xəstələr ora köçürüləcək: "TƏBİB xəstəxanaya baxış keçirib, bəzi məsələlərin həll edilməsinə ehtiyac var. Bəzi çatışmazlıqlar həllini tapdıqdan sonra yaxın günlərdə pasientlər xəstəxanaya köçürüləcək”.

Qeyd edək ki. modul tipli xəstəxana 3 bölmədən və 100 palatadan ibarətdir. Palataların hər biri süni tənəffüs aparatı və zəruri avadanlıqla təchiz edilib.

Xədicə Səxavətqızı