"Biz bir millət iki dövlətik. Mən bu il "Eurovision-2015"də Azərbaycan üçün olduğu qədər Türkiyə üçün də yarışacam".
Bunu Elnur Hüseynov Türkiyə mətbuatına müsahibəsində bildirib. O, bu il mahnı müsabiqəsinə qatılmayan Türkiyəyə "Yenə də müsabiqədə varsınız" deyir. Elnur musiqi yarışında "İkinci vətən" adlandırdığı Türkiyə üçün də yarışacağını deyib.
Qeyd edək ki, Elnur Hüseynov bu il Avstriyanın paytaxtı Vyanada keçiriləcək "Eurovision" mahnı müsabiqəsində Azərbaycanı artıq ikinci dəfə təmsil edəcək. Bu il Elnur Hüseynovun ifa edəcəyi mistik və müasir ballada isə "Hour of the Wolf” adlanır. O, mayın 21-də yarımfinalda 11-ci sırada çıxış edəcək. Final isə mayın 23-də keçiriləcək. (anspress.com)