“High Life Fashion & Model Academy”-nin təşkilatçılığı ilə keçirilən “Miss Eurovision of Azerbaijan” gözəllik müsabiqəsinin birinci turunun sonuncu kastinqi baş tutub.

Oxu.Az xəbər verir ki, münsiflər heyətində layihənin rəhbəri, modelyer Mübariz Allahverdizadə, layihənin təşkilatçısı Aqil Məmiyev, əməkdar artist Hüsniyyə Mürvətova, müğənnilər Nura Suri, Zamiq Hüseynov, aparıcılar Nərgiz Cəlilova, Şəhriyar Əbilov, modellər Oksana Rzayeva, Anastasiya Bern, İlqar Əliyev və Türkiyədən rəsmi nümayəndə Turan İşıqlı iştirak edirdilər. 

Yarımfinal mərhələsinə 40 nəfər iştirakçı vəsiqə qazanıb. Onlardan yalnız 22 nəfəri final mərhələsində iştirak etmək şansına sahib ola biləcək. Final mərhələsində müsabiqənin qalibinə avtomobil hədiyyə olunacaq və həmin model ölkəmizi “Miss Eurovision” beynəlxalq gözəllik müsabiqəsində təmsil edəcək.

Qeyd edək ki, tədbirin sonunda Avropanın tanınmış müğənnisi və bəstəkarı Toni Rey solo konsert proqramı ilə çıxış edib.