Əgər tarix təkrarlanarsa, dollar və Standard & Poor's 500 İndeksi, Fed bugünkü faiz artırımı qərarından sonrakı bir neçə gün ərzində düşə bilər.

Fed, 2004-cü ilin İyun ayında faiz artırmağa başlayanda, faiz artırımının gözləniləndən daha aşağı olacağı gözləntisinə də qismən bağlı olaraq, dollar avro qarşısında dəyər itirmişdi. Keçmişdə yaşanmış təcrübənin gələcəyə dair etibarlı bir fikir göstərici olacağını fərz etsək, səhmlər ilk fazada düşəcək və sonra düşmə yavaşlayacaq.

Avro/dollar

Fed-in 30 İyun 2004-cü ildə faizi 25 faiz bəndi artıraraq 1.25%-ə qaldırdıqdan sonrakı 5 gündə, Avro 1.4 faiz bahalaşmışdı. Avro, Fed qərarından növbəti 10 gündə isə 1.5 faiz dəyər qazanmışdı. Ancaq, qərardan 20 gün sonra dollar gücləndi və avro 1.2 faiz dəyər itirdi. Ümumiyyətlə, Avro, 2004-ci ilin sonunda 7.6 faiz dəyər qazanmışdı.

Səhmlər 

Fed-in 2004 faiz qərarı qiymətli kağızlara də təsir göstərmişdi. Standard & Poor's 500 İndeksi, Fed qərarından sonrakı 5 gün ərzində 2.8 faiz, 10 gündə 3 faiz, 20 gündə isə 3.5 faiz dəyərdən düşmüşdü.

Neft və Qızıl

Fed-in 2004 qərarına bazarların verdiyi reaksiya təkrar olarsa, xam neft qiymətləri arta bilər. WTI nefti, Fedin 2004 qərarından sonrakı 5 gündə 8.9 faiz, 10 günlük prosesdə 10 faiz, 20 gündə isə 15 faiz bahalaşmışdı. Qızılın qiyməti qərardan sonrakı 5 gündə 2.1 faiz artarkən, 20 günə baxanda 1.6 faiz düşmüşdü.  DÜNYA BU QƏRARI GÖZLƏYİRBeynəlxalq bazarların səbirsizliklə gözlədiyi gün gəlib çatdı. Bu gün ABŞ Mərkəzi Bankı Fedin Federal Açıq Bazar Komitəsinin (FOMC) toplantısı başa çatır.Fed-in bu iclasda təxminən son 10 ildə ilk dəfə faiz artıracağı gözlənilir. İqtisadçılar Fed-in faizləri 0,25%-dən 0,50%-ə qaldıracağını gözləyirlər.Analitiklər, Fedin, qərar mətnində bundan sonrakı prosesə dair məlumatları və Sədr Janet Yellenin açıqlamalarının bazarların istiqamətində müəyyənedici olacağını ifadə edirlər.Bakı vaxtı ilə 23:00-da Fed faiz qərarını açıqlayacaqdır. 23:30-da isə Fed sədri Janet Yellen kameraların qarşısına keçəcək.DOLLARIN HƏM DÜŞMƏSİNDƏN, HƏM DƏ QALXMASINDAN QAZANIN!Fed, 2008-ci ilin Dekabr ayından bu yana faiz dərəcələrini 0% - 0.25% aralığında saxlayır. ABŞ iqtisadiyyatının sabit böyüməyə qayıtmasının ardından ABŞ Mərkəzi Bankı faiz artırımına yaşıl işıq yandırdı.

5% ilə normala yaxın olan işsizlik nisbəti və güclü məşğulluğa rəğmən bir növ yüksəlməyən inflyasiya Fedin daha əvvəl faiz artırmasına mane olan ən böyük amil oldu. Treyderlər bu ilin son toplantısında faiz artırımı ehtimalını 78% kimi görür.

Fed Sədri Janet Yellen, dekabr ayının əvvəlində etdiyi çıxışında oktyabr görüşündən bu yana açıqlanan iqtisadi göstəricilərin, əmək bazarındakı yaxşılaşmanın davam edəcəyinə dair gözləntilərlə harmoniya göstərdiyini bildirmişdi. Bəzi Fed rəsmiləri də verdikləri bəyanatlarda faiz artırımlarının mərhələli olacağını dilə gətiriblər.

Fedin iclasında ABŞ iqtisadiyyatının faiz artımının öhdəsindən gələcək qədər güclü olub olmadığını müəyyənləşdirmək üçün işsizlik nisbəti, inflyasiya və qlobal iqtisadiyyatdakı proseslərə baxılacağı gözlənilir.

Ehtimal olunan faiz artırımı Fedi Yaponiya, Çin kimi iqtisadiyyatlarını və böyüməni canlandırmaq üçün mübarizə edən digər bəzi böyük ölkələrin mərkəzi banklarından ayıracaq. Bir çox ölkələrin mərkəzi bankları faizləri aşağı salıb, monetar təşviqi artırarkən, Fed faizləri artıraraq pul siyasətini sərtləşdirir.