Nazir sumqayıtlı gənc alimi Elm və İnkişaf məsələləri üzrə prorektor vəzifəsinə təyin etdi
Xeberle.com-un məlumatına görə, Azərbaycan Respublikası Mədəniyyət və Turizm naziri
Əbülfəs Qarayevin əmri ilə Anar Nazim oğlu Eminov Azərbaycan Turizm və
Menecment Universitetinin Elm və İnkişaf məsələləri üzrə prorektoru vəzifəsinə təyin
edilib. O, artıq yeni prorektor
kimi kollektivə təqdim edilib.
Qeyd edək ki, A. Eminov 1982-ci ildə Sumqayıt şəhərində anadan olmuşdur. Orta təhsilini Sumqayıt şəhər Texniki və Təbiət Elmləri liseyində almışdır.
A. Eminov 1999-2003-cü illərdə
Azərbaycan Dövlət İqtisad Universitetinin "Beynəlxalq ticarət” ixtisası üzrə
bakalavr dərəcəsindən fərqlənmə diplomu ilə məzun olmuş, 2004-2006-cı illərdə
Türkiyə Respublikası Doqquz Eylül Universitetinin Sosial Elmlər İnstitutunda
"Beynəlxalq biznesin idarə olunması” ixtisası üzrə magistr dərəcəsini fərqlənmə
ilə bitirmişdir.2000-ci ildə universitetlər arası Riyaziyyat olimpiadasında
birinci yerə layiq görülmüşdür.Anar Eminov, 2007-2011-ci illərdə Qərb
Universitetinin "Hüquq” fakültəsində "hüquqşünas” ixtisası üzrə əlavə (ikinci)
ali təhsil alaraq "hüquqşünas” ixtisasına yiyələnmişdir.
2007-2009-cu
illərdə İqtisadi İnkişaf Nazirliyinin İqtisadi İslahatlar Mərkəzində "Dünya
İqtisadiyyatı” ixtisası üzrə doktorantura təhsilini vaxtından əvvəl başa vuran
A.N.Eminov 2012-ci ildə Azərbaycan Milli Elmlər Akademiyasının İqtisadiyyat
İnstitutunda iqtisad elmləri üzrə fəlsəfə doktoru elmi dərəcəsini almışdır.
2010-cu
ildən etibarən Azərbaycan Turizm və Menecment Universitetində "Turizmdə
menecment və marketinq” kafedrasında müəllim, baş müəllim, 2013-cü ildən etibarən
isə "Marketinq” kafedrasının müdiri vəzifəsində çalışan A.N.Eminov rus, ingilis
və türk dillərini bilir. 2016–cı ildən
"Marketinq” kafedrasının dossentidir.Hal hazırda elmlər doktoru proqramı üzrə təhsilini
başa vurmaq üzrə olan A.N.Eminov yerli və beynəlxalq elmi jurnallarda (Fransa,
Türkiyə, Rusiya, Bolqarıstan, Qırğızıstan vəs.) çap edilmiş 70 – dək məqalə, 1
monaqrafiya və 4 dərs vəsaitinin müəllifidir.
Xəbərdən istifadə edərkən istinad etmək vacibdir.
