Koronavirus (COVİD-19) pandemiyasının təsir etmədiyi bir ölkə belə
qalmayıb. Dünya dövlətləri onunla mübarizə aparmaqda çətinlik çəkir.
Ölkə başçısı İlham Əliyev martın 19-da koronavirus pandemiyasının Azərbaycan
iqtisadiyyatına, makroiqtisadi sabitliyə, ölkədə məşğulluq məsələlərinə və
sahibkarlıq subyektlərinə mənfi təsirinin azaldılması ilə bağlı tədbirlər
haqqında Sərəncam imzalayıb. Pandemiyanın mənfi fəsadlarını minimuma endirmək
üçün Nazirlər Kabinetinə 1 milyard manat vəsait ayrılıb və təsirləri
qiymətləndirmək məqsədilə dörd işçi qrup yaradılıb.
Az müddət ərzində bu proqramın ortaya qoyulması təqdirəlayiqdir və indiki
dövrdə onu həyata keçirilməsi böyük əzm tələb edir. Lakin elə ailələr var ki,
bəzi maarifsizlik səbəblərindən, yaxud müvafiq prosedurları keçmədiyinə görə bu
dəstək paketindən kənarda qalmaqdadır.
Belə bir çətin günlərdə biz azərbaycanlılar bir-birimizə dəstək olmalıyıq. Günümüzdə
sosial şəbəkələrdə imkansız ailələrlə bağlı paylaşımlar edilir, çağırışlar
olunur. Xeberle.com olaraq bu məsələ ilə bağlı üzümüzü Sumqayıtın imkanlı
şəxslərinə, sahibkarlara tutaraq söyləyirik ki, yardım etmək istəsəniz, bu işdə
vasitəçi qismində çıxış edə bilərik. Bizdə sosial şəbəkə hesablarımıza və
saytımıza müraciət edən xüsusi qayğıya ehtiyacı olan sakinlərin kordinatları mövcuddur.
Sumqayıtda belə ailələrə yardım etmək üçün bizimlə əlaqə saxlaya bilərsiniz.
Ümid edirik ki, bizim bu çağırışımza Sumqayıt sahibkarları biganə
qalmayacaq, ölkə rəhbərinin səsləndirdiyi "Biz birlikdə güclüyük"
devizi altında ehtiyacı olan ailələrə dəstək olacaqlar.
Əlaqə nömrəsi:
050-263-24-79
Xəbərdən istifadə edərkən istinad etmək vacibdir.
