Sumqayıtda yol polisi əməkdaşları çarəsiz qalan vətəndaşın köməyinə çatıb.
Xeberle.com xəbər verir ki, hadisə iyunun 14-də sərt karantin rejiminin ilk günündə baş verib. Belə ki, 19-cu məhəllə sakini Abbas Qurbanov müalicəsi üçün lazım olan dərman preparatlarını əldə etməkdə çətinlik çəkib. O, yaşadığı mənzili tərk edərək küçəyə çıxıb. Şəhər sakini Bakıdan ona gələn dərmanları 42-ci məhəllədən götürmək üçün nə edəcəyini bilməyib. Bu zaman onun köməyinə ərazidə 90 YP 139 dövlət nömrə nişanlı avtomobillə Sumqayıt ərazisində xidmət aparan Qubadlı rayon Dövlət Yol Polisi şöbəsinin inspektorları Qurban Fətiyev və Elvin Balakişiyev çatıb və ahıl kişiyə yardım ediblər. İnspektor onu avtomobili ilə lazım olan yerə aparıb, dərman preparatıarını götürdükdən sonra A. Qurbanovu mənzilinə geri gətirib.
Yaşlı sakin Xeberle.com vasitəsi ilə hər iki inspektora Qurban Fətiyev və Elvin Balakişiyevə minnətdarlığını bildirib.
Xəbərdən istifadə edərkən istinad etmək vacibdir.
